ಬಾಡಿಗೆ ಜಾಸ್ತಿಯಾಯ್ತು ...ಮನೆ ಖಾಲಿ ಮಾಡೋದಿದೆ.

ಬಾಡಿಗೆ ಜಾಸ್ತಿಯಾಯ್ತು ...ಮನೆ ಖಾಲಿ ಮಾಡೋದಿದೆ.
ಎಷ್ಟು ಮನೆಯಾಯ್ತೋ??ಒಂದು,ಎರಡು,ಐದು........ಎಂಟು.
ಒಂಥರಾ ದೊಂಬರ ಜೀವನ...

ಪ್ರಯಾಸವಂತು ಯಾಕೆ..ಏನಿದೆ ಅಂಥದ್ದು..
ಆದೆ ಹಳೆಯ ಹಂಡೆ...ಅವಳ ಅಪ್ಪ ಕೊಟ್ಟದ್ದು...
ಮುದುರಿಟ್ಟ ಹಾಸಿಗೆ...ನಾ ತಂದದ್ದು...
ಹೊತ್ತಿಗೆ ಬೇಯಿಸಲು ನಾಕು ಪಗಾರ....ಅಸ್ಟೆ.

ಬಿಸಿ ನೀರಿಗೆ ಹಂಡೆಯೇ ಬೇಕೇ?
ತಿಂಗಳಾದರೆ ಕರಳು ಕಿವುಚಿ ಬರುವುದು...ಕಣ್ಣಿನಲ್ಲೂ...
ಅದೇ ತೋಯುವುದು ಮೈ ಪೂರ್ತಿ...ಬಿಸಿ ಬಿಸಿಯಾಗಿ...

ಬರುವ ಸಂಬಳ ಎಂತಕೆ??
ಬೇಳೆ-ಕಾಳು.....ಕಸ-ಕಡ್ಡಿಗೆ...ಕಾಪೀ ಪುಡಿಗೆ....
ಫಿಜು-ಗೀಜಿಗೆ.....ಮಕ್ಕಳ ಗೋಜಲಿಗೆ..

ಅವಳಿಗೆ ಹೇಳಿದ್ದೆ-" ಗಂಜಿ ಮಾಡಿಬಿಡು...."
ಅಮೃತದಂತೆ ಮಾಡಿದ್ದಳು ಅಂಬಲಿಯನು...
ಅವಳು ಎಲ್ಲವನು ಹೊಂದಿಸಿಕೊಂದು ಹೋಗುವಾಕೆ.....ನನ್ನಾಕೆ..!!

ಹೊಟ್ಟೆ ತುಂಬಾ ಕುಡಿದು....ಮೈ ಮುರಿದು......
ಮಲಗಿದೆ...ಮುದುರಿಟ್ಟ ಬಂತೆಯಲಿ.....